नेपाल व्यवसायिक बाख्रापालक महासंघ धादिङको अध्यक्षमा मोतीराम पाठक चयन हुनुभएको छ । आज धादिङबेशीमा सम्पन्न भएको महासंघको चौथो जिल्ला अधिवेशनले पाठकको अध्यक्षतामा १३ सदस्यीय नयाँ कार्यसमिति चयन गरेको हो । जसको उपाध्यक्षमा मुना लामा, सचिवमा ऋषि सिटौला, कोषाध्यक्षमा रन्जु बस्नेत थापा चयन हुनुभएको छ । अधिवेशन उद्धघाटन सत्रमा सहभागिहरुले सरकारले अनुदान दिईरहेपनि वास्तविक किसान सम्म पुग्न नसकेको बताए छन् ।
स्थानीय तहमा अनुदानको लागि कागजात तयार पारेर पेस गर्दा पनि राजनीतिकरण कै कारण किसानहरुले अनुदान नपाउने गरेको बताउदै यस तर्फ महासंघले चासो दिनुपर्नेमा जोड दिएका छन् । कार्यक्रममा पशु सेवा कार्यलय धादिङका पण्यवति खकुरालले सरकार मार्फत आएका कार्यक्रमहरु प्रत्येक स्थानीय तहमा पु¥याईरहदा किसानहरुमा सूचनाको कमी कारणले पनि यस्ता कार्यक्रमहरुबाट वञ्चित हुने अवस्थामा पुगेको बताउनुभयो ।
किसानहरुको आवाज सुन्ने पशु कार्यालय रहेता पनि प्रदेश सम्म कुरा राख्ने अधिकार नहुने हुनाले महासंघले सबै किसानहरुको समस्याहरुलाई नेतृत्व गरेर आवाज उठाउन आग्रह समेत गर्नुभयो । नेपाल व्यवसायिक बाख्रापालक महासंघ धादिङको अध्यक्ष आईत कुमार तामाङको अध्यक्षतामा सम्पन्न भएको कार्यक्रममा सबै पालिका भित्रका बाख्रापालक व्यवसायिहरुको सहभागिता रहेको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |