धादिङको थाक्रे गाउँपालिका वडा नम्बर १० स्थित गढीमा तिन वटा चितुवा मृत फेला परेको छ ।
गढीस्थित अदुवाबारीमा २ वटा र मकैबारीमा १ वटा चितुवा मृत भेटिएको वडा नम्बर १० का वडा अध्यक्ष गोकुल लामिछानेले जानकारी दिनुभयो ।
बिहिबार दिउँसो घाँस काट्न गएको बेला स्थानियले देखेर खबर गरेपछी आफुसँगै प्रहरीसहितको टोली घटनास्थलमा पुगेको वडा अध्यक्ष लामिछानेले बताउनुभयो ।
मृत अवस्थामा फेला परेको चितुवा सव-डिभिजन वन कार्यालय बैरेनीलाई बुझाइएको छ ।
चितुवा के कारणले मरेको भन्नेबारेमा यकिन नभएको र कारणबारे अनुसन्धान भइरहेको प्रहरीले जानकारी दिएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |