बाँके ःः रुकुम पश्चिमको मुसिकोट नगरपालिकाको मेयरमा नेपाली काँग्रेसका महेन्द्र केसी बिजयी हुनुभएको छ । केसीले ६९१४ मत प्राप्त गर्दा उहाँका निकटतम प्रतिद्वन्द्वी नेकपा माओवादी केन्द्रका बसन्त कुमार शर्माले ६९०१ मत प्राप्त गर्नुभएको छ ।
यस्तै उपमेयरमा नेकपा एकीकृत समाजवादीका बिमल कुमार पुन विजयी हुनुभएको छ । उहाँले ६१४० मत प्राप्त गर्दा उहाँका निकटतम प्रतिद्वन्द्वी एमालेका थल बहादुर ओलीले ५९८५ मत प्राप्त गर्नुभएको छ ।
१४ वडा रहेको यस नगरपालिकामा १, २, ३, ५ , ८ र १४ नेपाली काँग्रेसले जितेको छ भने ४, ६, ७, ९, १०, ११, १२ र १३ नम्बर वडा नेकपा माओवादी केन्द्रले जितेका छन् । नेकपा एमालेले एउटा वडा पनि जित्न सकेन ।
मुसिकोटमा नेपाली कांग्रेस र नेकपा एमाले, नेकपा माओवादी केन्द्र, नेकपा एकीकृत समाजवादी, जसपाको गठबन्धन थियो ।
बिचमा मुसिकोट नगरपालिका वडा नं.१४ को मतपत्रमा सांकेतिक भेटिएको भनी ४४ मत बदर गरी मत गणना सुचारु गरिएको थियो ।
२०७४ सालको स्थानिय निर्वाचनमा रुकुम पश्चिम जिल्लामा सवै स्थानिय तहहरुको नेतृत्व नेकपा माओवाद िकेन्द्रले नै गरेको थियो भने यसपटक बाँफीकोट र मुसिकोट नपाको नेतृत्व नेपाली काग्रेसले हात पारेका छन ।
बल प्रयोग र धाँधली गरेर मुसिकोट नगरपालिका(१४ का ४४ वटा मत गणना प्रक्रियाबाटै बाहिर राखी जम्मा १३ मतान्तरले नगर प्रमुखमा काँग्रेस(एमाले गठबन्धनको जित घोषणा गरियो । यसप्रति हाम्रो पार्टी नेकपा माओवादी केन्द्रको गंभीर असहमति रहेको छ ।भनी नेकपा माओवादी केन्द्रका गोविन्द रोका सचिनले आपति जनाएका छन ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |