अझै गहुँ नपाकेको रुकुम पूर्वको सिस्ने गाउँ हामी पनि घुम्न जाऔं

ओम विकास ओली रुकुमकाेट

रुकुम पूर्वको सिस्ने गाउँपालिका वडा नं. २ सिस्ने,पाखापानी,ओखरेना,भङ लगायतका गाउँमा अझै गहुँ पाकेको छैन । अन्य ठाउँमा गहुँ जहुँ काटेर धान,मकै रोपी पाक्ने  बेला भैसकेको छ ।

बाँफीकोटको स्यार्पु ताल हुँदै सिस्ने गोरिल्ला पदमार्गबाट सिस्ने प्वाङ, भालुकाप्चे, देउखोला, रुकुमकोट ,कमलताल,साँख,ठुलीदहहुँदै मुसिकोट आइपुग्नु भएका पर्यटन क्षेत्रका अध्येता मन बहादुर खत्रीले अनुभव सुनाउँदै भन्नुभयो—“मैले सगरमाथाकाे चुचुराे पनि चुमे । सिस्ने हिमालकाे चुचुराेमा पुग्ने पहिलाे व्यक्ति पनि भएँ । ती सवै सफलताहरु त भए तर सन्तुष्टि भएन ।

याे पदमार्गमा हिंड्दाकाे आनन्द छुट्टै हुन्छ । यहाँकाे जीवनशैली र रहनसहले भाैतिक जीवनकाे दुख पीडाहरु विर्साइदिन्छ । नपाकेका गहुँहरु पनि लेकका फूलहरु झैं लाग्छन् ।” माउन्टेन गाइड एवं प्रशिक्षक समेत रहेका खत्रीले सुनाए जस्तै पर्यटन प्रवर्धनमा लागेका सिस्नेका समाजसेवी रजबहादुर बुढाले भन्नुभयाे—“हिउँदमा हिउँ नपरेको कारण गहुँको बोटमा सुकेनाश लाग्यो ।

अचेल पानी धेरै परेर गहुँको बालामा ढुसी लागेको छ । गहुँको बीउ बचाउन पनि धौ छ । तर पनि जीवन रमाइलै छ ।अनुदानकाे चामलले वर्षा धकेलिन्छ ।”

फाेटाे फिचर मन बहादुर खत्री