सुर्खेतमा क्वारेन्टाइनको जिम्मा सेनालाई दिन चिकित्सकको सुझाव, थपिए १२ संक्रमित 

सुर्खेत — कर्णाली प्रदेशको सुर्खेतमा मंगलवार १२ जना कोरोना संक्रमण पुष्टि भएको छ । संक्रमित मध्ये २ सिम्ता गाउँपालिका र १० जना वीरेन्द्रनगर नगरपालिकाका रहेका कर्णाली प्रदेशका अस्पतालका निर्देशक डा. डम्वर खड्काले बताए । खड्का अनुसार बवई र सुब्बाकुना नाका तथा खुलामन्ञ्चस्थित व्कारेन्टाईनबाट ¥यान्डली लिएका स्वाबको पीसीआर परिक्षण रिपोर्ट पोजेटिभ देखिएको हो । डा. खड्काले कर्णालीको अवस्था भवावह बन्दै भएको बताएका छन् । कर्णाली मा कुल संक्रमितको संख्या २३ जना पुगिसकेको छ । अवस्था भवावह बन्दै गए पछि डा. खड्काले बोर्डरमा क्वारेन्टाइनको जिम्मा नेपली सेनाई दिन नेपाल सरकारलाई आग्रह गरेका छन् ।

कर्णाली प्रदेश सरकारले पनि भारतबाट आउने नेपालीलाई सीमावती क्षेत्रमै परीक्षण गरी क्वारेन्टाइनमा राख्ने व्यवस्था मिलाउन नेपाल सरकार र केन्द्रीय विपद् व्यवस्थापन समितिलाई आग्रह गरेको छ ।पछिल्लो समय भारतबाट भित्रिएका व्यक्तिहरुमा संक्रमण देखिएको छ । भारत सरकारले सीमासम्म पुग्न सहज बनाइदिएपछि करिब २५ हजार कर्णालीबासी घर फर्किने अनुमान प्रदेश सरकारको छ ।